Тропарь, глас 3:

Церкве Христовыя столпе непоколебимый / благочестия правило, / жития евангельскаго образе, / священномучениче Феоктисте, / Христа ради пострадавый даже до крове, / Егоже моли усердно, / яко Начальника и Совершителя спасения, / Русь Святую утвердити в Православии / до скончания века.

Кондак, глас 2:

Восхвалим, вернии, изряднаго во священницех / и славнаго в мученицех Феоктиста, / Православия поборника и благочестия ревнителя, / земли нашея красное прозябение, / иже страданием Небесе достиже / и тамо тепле молит Христа Бога / спастися душам нашим.

Величание:

Величаем тя, / священномучениче Феоктисте, / и чтим честная страдания твоя, / яже за Христа / претерпел еси.

(110)